المكونات
الكيك
600جم دقيق
كوب زيت
كوب سكر
كوب ماء
معلقة صغيرة فانيليا
5 بيضات
2 باكو بيكنج بودر
رشة ملح
الحشوة
250 جم بودنج تكونى عاملاه بلبن كامل الدسم و شوية زيادة لو احتجتى ولو هتعمليه مخصوص حطى على وشه ورق بلاستيك قبل ما يبرد وأتأكدى أنه غطى الوش كله كويس عشان ميعملش وش ولما تيجى تحطيه عالكيك و يكونش جامد
نص كوب سفن أب
التوبينج
نصف لتر كريمة سائلة
500 جم شيكولاته خام غامقة
معلقة فانيليا صغيرة
الطريقة
الكيكة
سخنى الفرن و هاتى صينيتيين متوسطتين و أدهنيهم بالزيت و رشى عليهم دقيق ووزعيه كويس عشان لما الكيكى تخرج من الفرن تعرفى تطلعيها من الصينية بسهولة
هاتة بولة كبيرة و حطى الزيت والسكر و أضبى بالمضرب الكهربائى نصف دقيقة و بعدين حطى البيض واحدة واحدة والفانيليا و سيبية يتضرب 10 وقائق متواصلين ثم ضيفى الماء وأنتى بتضربى وأنخلى المكونات الجافى معاً و ضيفيها واحدة واحدة بمعلقة كبيرة لحد مالخليط كله يتجانس و بعدين أقسمى العجين على الصينيتيين وأخبزيهم فى الفرن بس يكونوا جمب بعض على مستوى واحد مش واحدة فوق وواحدة تحت أخبزيهم نص ساعو لما تدخلى فيها الخلة أو طرف السكينة تخرج نضيفة ولما تخرج من الفرن سيبيها فى الصوانى ترتاح نص ساعة قبل ماتخرجيها من الصينية و سيبيها تبرد على الشبكة الحديد بتاعة الفرن بس خرجيها برة
الحشوة
بعد الكيكة ماتبرد تماماً أستخدمى بخاخ الماء حطى فيه شوية سفن أب و رشى على الكيكتيين سفن أب عشان تكون طرية وبعدين حطى البودنج على الكيكة الأولى و أفرديه بالراحة و بعدين غطيه بالكيكة التاني و حطيها فى التلاجة لحد مالتوبنج يجهز
التوبنج
حطى الكريمة والشيكولاتى فى كسرولة على النار وقبل الكريمة ماتغلى على طول أقفلى النار و قلبى لحد ما الشيكولاتة تسيح تماماً و حطى الفانيليا و حطيها فى التلاجة لحد ماتجمد شوية وبعدين أفرديها على الكيك بالراحة و بحذر و بالهنا والشفا
0 comments:
Post a Comment