المكونات
مقدار250 جم دقيق
125جم زبدة مكعبات
وصفار بيضتين
ورشو ملح
وربع كوب ماء أحتياطى
و260 ملل كريمة خفق
و165 جم جبن كريمى
و3 معالق كبيرة عسل
وكيلو تين كل تينة مقطعة 4
وحزمة نعناع طازج
ربع كيلو فستق محمص مجروش
الطريقة
فى الفود بروسيسر يوضع الدقيق والزبدة و يضرب لحد مايبقى شبه حبيبات البازلاء الصغيرة
ضيفيلهم الملح والبيض وشغلى الفود بروسيسر نص دقيقة ثم خرجيهم وحاولى تجمعيهم بأيدك لكورة بس ما تعجنيش لو ماحتاجتيش الماء يكون أحسن ولقيهم بورق سوليفان و حطيها فى التلاجة لمدة نصف ساعة
خرجيها من التلاجة وسيبيها ترتاح حبة
أفرديها بالنشابة على سطح مرشوش عليه دقيق و حطيها فى صينية مستطيلة و حطى عليها ورقة خبز و حطيها فى التلاجة ربع ساعة و حطى عليها ورقة خبز و فيها نص كيلو فول ناشف وأخبزيها من 20 ل 25 دقيقة و خرجيها من الفرن و سيبيها تبرد تماماً
تحضير الحشوة
فى بولة كبيرة حطى كريمة الخفق وبالمضرب السلك اليدوى أضربيها لحد ماتبداً تمسك نفسها وضيفيلها الجبنة الكريمى و قلبى بالمضرب و ضيفى العسل وصبى الخليط فى التارت و أفرديه و رصى عليه التين أو ممكن تستبدليه بأى فاكهة متوفرة و رشى عليه أوراق النعناع والفستق وبالهنا والشفا
0 comments:
Post a Comment