آيس كريم كوكيز

 
المقادير

كوب زبدة
رشة فانيليا
2 بياض بيض
2 كوب دقيق
½ كوب كاكاو
¼ ملعقة ملح
كوب سكر بودرة
علبة آيس كريم كبيرة

الطريقة

أول حاجة هتجيبي الآيس كريم سايل، وتحطيه في قالب يكون غويط شوية وحطي فيه طبقة فليم شفاف (زي اللي بتتغلف بيه الجبنة في السوبر ماركت) وساويه وحطيه في الفريزر يتجمد علشان ياخد شكل متساوي

بعد كده هتجهزي الكوكيز

اضربي الزبدة مع السكر بالمضرب على سُرعة متوسطة لمدة 3- 4 دقائق، وبعدين حطي البيض والفانيليا واضربي الخليط تاني لحد ما يمتزج
اخلطي الدقيق والكاكاو والملح وحطيهم على الخليط تدريجيا وقللي سُرعة المضرب، واضربي لحد ما يتشكل عجين
قسمي العجين نصفين ولفيهم بفليم شفاف، وسيبيها 20 دقيقة لحد ما تهدأ، وبعد كده افردى العجين بسُمك ¼ سم
قسمي العجين مستطيلات أو مربعات حسب الشكل والحجم اللي انتي عايزاه، وبعدين خرّمي كل جزء بأسفل ملعقة خشبية عدة ثقوب
بعد كده حضري قالب كبير أو 2 صغيرين وحطي فيه ورق زبدة، وابدئي رصي الكوكيز، وحطيها في فرن ساخن مُعدّ سابقًا لمدة 15 دقيقة
بعد ما تطلّعي الكوكيز وتبرد طلعي الآيس كريم من القالب، وابدئي قطعي منه بنفس حجم الكوكيز اللي عملتيه
حطي على كل كوكيز قطعة آيس كريم وغطيها بقطعة كوكيز تانية، ورصّيهم في طبق وغطيهم بغلاف بلاستيك
حطيه في الفريزر تاني لمدة 30 دقيقة. وبعدين قدميه بالهنا والشفا

0 comments:

Post a Comment