المكونات
التارت
160 جم بسكويت دايجستف أو أى بسكويت أخر مفضل عندك
ربع كوب زبدة مقطع مكعبات صغيرة
ربع كوب سكر بنى
الحشوة
رقائق250 شيكولاتة متوسطة الحلاوة
ربع لتر كريمة سائلة
نصف كوب كراز مجفف (أختيارى)
300 جم فستق حلبى محمص
الطريقة
التارت
سخنى الفرن و هاتى صنية من اللى قعرها بينفصل عنها و بعدين حطى البسكويت والزبدة و السكر البنى فى ال food processor و أخلطى لحد ما يبقى شبه الرمل المبلل وبعدين حطيه فى الصنية وأضغطى عليه بقعر كوب عشان يتفرد كويس وحطيها فى الفرن السخن ربع ساعة
و سيبيه يبرد برة الفرن ثلث ساعة وبعدين وزعى عليه الكراز المجفف
الحشوة
حطى الكريمة على النار و قبل ما تغلى على طول أطفى عليها و صبيها ف بولة فيها رقائق الشيكولاتة و دوبى الشيكولاتة فى الكريمة الساخنة و أول الخليط دة ما يبرد شوية صبيه فى الصينية على الكراز و حطيه فى التلاجة ساعتين و طلعيه رشى على وشه الفسنق وحطيه فى التلاجة تانى 3 ساعات ولما تيجى تخرجي التارت من الصينية سلكيه بسكينة عشان يطلع معاكى بسهولة و بالهنا و الشفا
0 comments:
Post a Comment