الديك الرومى المحشى


المكونات

ديك رومى 9 أو 10 كيلو
10 معالق زبدة طرية
بشر ليمونة كبيرة
3 معالق كبيرة بقدونس مفروم
معلقة زعتر ناشف كبيرة
ملح للتحديق زى ماتحبى انا بحط 3 معالق صغيريين
معلقة و نص فلفل أسود
كوبين شوربة أو ماء

الحشوة

فى أكتر من ميت طريقة لحشوة الرومى ف أكتر من كذا بلد بس دى أنا جربتها أكثر من مرة و كمان أتطليت منى كذا مرة و لاقت أعجاب
3 بصلات مقطعة الواحدة 6 قطع
كوب بازلاء
نص كوب جزر
6 شرائح توست مبيت فى الهواء عشان ينشف أو يكون بائت عندك
نص كيلو عصاج
كوب خرشوف مقطع صغير أوى
نص كوب فاصوليا
نص كوب زبيب
نص كوب مكسرات النةع اللى تحبيه انا بحط بندق و لوز و عين جمل مقشرة مع بعض
نص كوب شوربة
ملح و فلفل و جوزة لطيب

الطريقة

الديك

تغسلى الديك كويس تحت المية من الحنفيى و تنشفيه بالمناديل الورقية كويس أوى و صفيه تماماً
اخلطى بشر الليمون و الزبدة مع البقدونس والزعتر و الملح و الفلفل أسود أخلطيهم سوا و بإيدك أعملى بيهم مساج للديك و حطى منها تحت الجلد ده بيساهم أن الديك لحمه يكون طرى أوى و لذيذ

الحشوة

هاتى طاسة كبيرة غويطة و حطى كمية من الزبدة أو السمن وحطى فيها البصل و الجزر و يقلبو لحد ما يبقى لونهم دهبى و بعدين ضيفى العصاج ثم البازلاء و الخرشوف و الفاصوليا و حطى الشوربة وقلبى لحد ما يغلى ووطى النار و غطيه لحد ما يستوى الخضار و بعد كدة صبى الخليك فى طبق كبير و قلبى عليه التوست البائت وعد تقطيعه مكعبات و المكسرات والزبيب و حطى عليهم معلقتين ملح و شوية فلفل و جوزة الطيب و حطيهم جوة الديك و غطيهم ب قطعة فويل كويس و حطيهم فى فرن شخن على درجة 450 و سيبيه نص ساعة على العالى كده و بعدين غطيه كللو بالفويل ووطى النار لدرجة 350 و سيبيه 3 ساعات و نص أو 4 ساعات يستوى و بعدين شيلى الفويل و سيبيه ساعة إلا ربع من غير الفويل عشان الوش يتحمر و بعدين خرجيه و سيبيه ساعة قبل التقطيع و غطيه فى الوقت ده بالفويل تانى عشان ميبردش و بعدين قدميه على سفرتك و بالهنا والشفا

0 comments:

Post a Comment

Pages

Sample Text