البيبى اويل (Baby Oil )


بجد وهمى و له استخدامات كتير جدا

ترطيب الجسم عشان هو احسن من اى مرطب للجسم و افضل من كل اللوشنات لانة بيحفظ المية جوا الجلد اكتر من اى لوشن 10 مرات

فك الشعر المتشابك
لو شعرك متشابك حطى شوية بيفكوا جدااااااا دة غير انة بيديلوا لمعة تحفة و مش بيخلية دهنى زى اى زيت شعر تانى

تعطير الجسم و الشعر بيتخلط باى زيت عطرى خام على زوقك بقى ياسمين لافندر مسك او حتى زيت برفانك المفضل و ادهنى بية جسمك بعد الاستحمام و شعرك والله الريحة بتفضل ايام و بتثبت و بيكون متعطر و مترطب بجد واو

المفاجاة مزيل مكياج والله بجد تحفة تحفة تحفة جربى كدة قطنة و عليها شوية بيبى اويل بيشيل كل مكياج العين و الكحل و المسكارة و الايشادو و كلة كلة احسن من اى ريموفر

بيستخدم كمان بعد الازالة بالشمع اوعى تغسلى المكان الى زيلتى الشعر منة بمية و صابون كفاية قطنة عليها بيبى اويل تقوم بالواجب و هترطب ولو اشتريتى اى شرائح شمعية مثلا فيت او ايزى واكس هتلاقى على العلبة من برة بينصحوا بكدة و فية تحذير من المية و الصابون

ممكن كمان ينفع ديودرانت بتخلطية بليمون و بيدهن بية تحت الابط بيفتح و يرطب و يمنع الرائحة

و بيستخدم لتلميع المقتنيات الجلدية يعنى شنطة جلد حسيتى ان جلدها انطفى لمعيها بية او محفظة او شوز و النتيجة جميلة جدا و مش هيزيت متخافيش.

المفاجأة بقى انة بيستخدم فى تنضيف الحمامات متستغربيش عارفة بيستخدم ازاى بصى يا ستى فى بعض الاماكن فى الحمام بيكون فية زى تجمع للصابون مثلا على الصبانة او فى الحوض او البانيو او اى مكان تانى بمجرد انك مسحتى المكان دة بقماشة عليها بيبى اويل كل الصابون دة هيتفك و يطلع بسهولة

و فيه منة عطور كتير زهور و كوموبيل و بابونج و مشمش و حاجات كتير اوى اختارى الى يريحك

0 comments:

Post a Comment

Pages

Sample Text